Nakaalala

Amp. Badtrip. Isa ‘to sa mga pinaka-ayaw kong emosyon at bagay na naiisip ng utak ko.  Hayy, na miss ko tuloy ang pagkabata. Yung tipong bawat araw may pupunta sa bahay mong kaibigan tapos yayayain ka maglaro ng piko, patintero, tumbang preso at iba pang larong pinoy. At ang masakit pa don, hindi ka pinayagan lumabas ng bahay.

Madalas kapag ikaw ay tamang tambay, mataas ang chansa na makaalala ka. Maalala mo yung ginawa mo dati tulad ng pamamatid ng kaklase nung greyd skul, paninira ng bintana ng eskwelahan nung hi skul, at syempre yung mga ligawan modes mo nung nakaraan.

Isa sa mga nakakatuwang memorya ko nung ako ay greyd skul ay nang ako ay makaipon ng dalawan libong piso nung ako ay nasa ikalawang baitang o Grade II. Saan ang nakakatuwa dun? Aba, eh nagawa ko yun na ang baon ko lang sa isang araw eh ocho pesos. Problema lang di ko naman alam gastahin, inutang nalang ng parents ko. Hi Skul na ako nung binayaran nila.

Minsan masarap din naman ang makaalala. Lalo na pag naaalala mo yung mga Mahal mo sa buhay, naluluha ka dahil may nawala sayo, pero masaya ka dahil alam mong nasa mas magandang lugar sila.

Ang Alaala. Isa sa mga bagay na laging kasama ng tambay. Nakakaindak, Nakaka-aliw, Nakaka Tindig – Balahibo.